Katika kuadhimisha msimu wa sikukuu, kampuni ya ROTAI—ambayo ni miongoni mwa wazabuni wakubwa na wa kuaminika wa mizani za kidigitali nchini—imekabidhi zawadi maalumu za Krismasi na Mwaka Mpya (Merry Christmas and Happy New Year) kwa KCJE Ltd.
Zawadi hizi zimewasilishwa kama ishara ya kuthamini ushirikiano mzuri na wa muda mrefu uliopo kati ya ROTAI na KCJE katika utekelezaji wa majukumu ya kusambaza mizani za kidigitali kwenda katika vyama vikuu vya ushirika nchini. ROTAI imeendelea kuwa mshirika muhimu katika kuhakikisha upatikanaji wa mizani za kisasa, bora na zenye viwango vya kimataifa kwa ajili ya kuboresha uadilifu na ufanisi katika mifumo ya upimaji mazao.
Akizungumza wakati wa makabidhiano, mwakilishi wa ROTAI alitoa shukrani kwa ushirikiano mzuri kutoka KCJE na kusisitiza dhamira ya kuendelea kuboresha huduma kwa lengo la kusaidia sekta ya kilimo na biashara nchini. Kwa upande wao, KCJE imetoa pongezi kwa kitendo hicho cha kiungwana, na kuahidi kuendeleza kazi kwa weledi, uwazi na ubora kama ilivyo desturi ya kampuni.
Tunawatakia wanachama, washirika na wadau wote Krismasi Njema na Mwaka Mpya wenye mafanikio, amani na baraka tele.
Ähnliche Beiträge
MakalaKOROSHO TANI 49,093 ZENYE THAMANI YA ZAIDI BILIONI 160 ZAUZWA WIKI YA KWANZA YA MINADA
Jumla ya kilo 49,093,143 sawa na tani 49,093.143 za korosho ghafi zenye thamani ya shilingi bilioni 160 zimeuzwa katika minada minne iliyoendeshwa na Vyama Vikuu vya Ushirika vya mikoa ya Lindi na Mtwara, katika wiki ya kwanza ya msimu wa mauzo ya korosho wa mwaka 2026/2027. Minada hiyo ilianza Oktoba 12 na 13, 2026, kupitia […]
Weiterlesen
MakalaKCJE KUSAMBAZA MAGUNIA MILIONI 9.3 MSIMU WA KOROSHO WA 2026/2027
Meneja Mkuu wa Korosho Cooperative Joint Enterprise (KCJE) Limited, Mohamed Mwinguku, amesema KCJE imejipanga kuhakikisha hakutakuwa na changamoto ya upatikanaji wa magunia katika msimu wa mauzo na masoko ya korosho wa 2026/2027. Mwinguku amesema makadirio ya uzalishaji wa korosho kwa msimu huo ni tani 750,000, huku mahitaji ya magunia yakikadiriwa kufikia zaidi ya milioni 9.35. […]
Weiterlesen
MakalaTANGAZO LA ZABUNI YA PEMBEJEO ZA KILIMO
Mwenyekiti wa Bodi ya Korosho Cooperative Joint Enterprise Limited (KCJE Ltd), Odas Mpunga anatangaza zabuni Na. KCJE/2027/2028/G/02 kwa ajili ya ununuzi wa Pembejeo za Kilimo. Waombaji wanatakiwa kuwasilisha zabuni zao katika Ofisi za KCJE zikiwa na nakala halisi moja (1) na kivuli mbili (2) pamoja na kulipa ada isiyorejeshwa ya Sh5 milioni kupitia akaunti ya […]
Weiterlesen